الفيسبوك بقى أكتر من مجرد موقع تواصل إجتماعي ده كمان بقى عامل إساسي في التسويق,
فسواء بتروج منتج/خدمة/معلومة أو حتي فكرة الفيسبوك بقى لا يستغني عنه.

وعشان تضمن إنك تحقق أكبر إستفاده منه دي عشر نصايح تقدر بيها تنظم شكل صفحتك بطريقة تحقق بيها الهدف منها.

1- إختيار إسم مناسب

بمعني إنك تختار إسم مناسب لتجارتك ويكون واضح ومش طويل عشان الناس تقدر تفتكره بسهوله
لو حد حاول يعمل على صفحتك سيرش.
أقرأ إيضاً ليه مهم تبيع إسمك قبل منتجك

2- عنوان ال URL

إتأكد إنه نفس إسم البيدج وده بيدي مصداقيه أكتر وكمان في حالة إن حد ماعرفش يلاقي الصفحة بالأسم
يقدر يلاقيها بكل سهوله بالرابط.

أقرأ إيضاً رج الفيسبوك قبل ماتستخدمه

3- صورة البروفايل وصورة ال cover

صورة البروفايل المفروض يكون فيها اللوجو بس ويكون بشكل واضح وده بيساعد الناس على إنها تميز صفحتك بكل سهوله وكمان تخلق وعي بالعلامة التجارية
وصورة الcover  لازم تكون معبره عن الصفحة وماتنساش تحط عليها كل لينكات المواقع الآخرى بتاعتك.

4- تعريف صفحتك

والنقطة دي مهمه جداً لأن أي زائر جديد لما يدخل صفحتك ويكون حابب يعرف عنك أكتر هيدخل على ال About
فلازم تكتب محتوي كويس يعبر عنك بطريقة جذابه. وكمان المحتوي اللي بتكتبه في ال About
هو اللي بيظهر في جوجل, يعني لو إنت صاحب مركز تعليمي وبتدي كورسات إنجلش وغيره وحد دخل كتب في جوجل كورسات إنجلش,فصحتك اللي على الفيسبوك ممكن تظهر قدامه. فلازم تختار كويس الكلام اللي عايز تركز عليه عشان الناس تعرفك بيه.

 أقرأ إيضاً ثلاث أخطاء شائعه في التسويق أوعي تعملها

5- أعمل دعوة لأصحابك

لو صفحة لسه جديدة فأفضل جمهور هيعملك لايك على طول هما أصدقائك بس إتأكد في المقابل إنك تكون بتنزل حاجات مفيدة يأما بعد كام يوم ممكن يدوسوا unlike  أو unfollow

6- خليك صاحب محتوي Creative

دايماً تميز في المحتوي اللي إنت بتكتبه لأن ده اللي هيخلي الناس تسيب الصفحات التانية عشان تدخل صفحتك وتتابع كل جديد حتي لو كان المحتوي اللي بتقدمه ترفيهي مش لازم تاخده من صفحات مشهورة وتنزله عندك لأن بكدا يكون المحتوي مقرر ولكن اعمل محتوي فريد وجديد يشد الناس لصفحتك.

7- أختار ديزاينز تشد الناس

الديزاين هو العامل الأول اللي بيخطف عين الناس, وبما إن سوق المنافسه بقى قوي جداً فلازم تختار
تصميم يشد عين الناس من أول لحظة ويخليهم يقفوا ويقرأوا المحتوي. فالتصميم الناجح هو اللي هيخلي الناس تقف
والمحتوي الناجح هو اللي هيخليهم يتفاعلوا.

8- إتفاعل مع جمهورك

مهم جدأً إنك تتابع جمهورك وتعرف إيه اللي عجبه وتنزله أكتر وإيه لاء وبالتالي تعدله أو تلغيه خالص, والكومنتات
والآراء من أفضل الطرق اللي تقدر تعرف بيها رأي جمهورك

9- ماتتجهلش الردود السلبيه.

رد على كل الكومنتات اللي علي صفحتك حتي السلبي منها وخلي ردك يكون بطريقة ذكيه لأن ممكن يكون اللي كتب التعليق ماكنش فاهم كويس

10- إختار الوقت المناسب للنشر

مع تطور الفيسبوك بقى في أدوات بتحلل مستخدمي الصفحة عندك وتعرف أكتر وقت هما نشيطين فيه إمتي باليوم والساعة.

عندك صفحة ومحتاج مساعده في إدارتها؟ تقدر تتواصل معانا من هنا