في الجزء الأول من المقاله إتكلمنا عن ليه مهم إنك تبيع إسمك قبل ما تفكر تبيع منتجك
ويعني إيه منتج والمستويات المختلفة له
.اونلاين Brand awareness وفي الجزء ده هنكمل ونتكلم عن أفضل الطرق اللي ممكن من خلالها تعمل

؟ Branding  إيه هي أنواع الـ

:بس أهم أتنين لازم تعرف الفرق مابينهم هما Branding في أنواع كتير في الـ
Personal Brand
هو إنك تبقي معروف لأسمك أو لحاجة معينه تبقى مشهور بيها وده إشتهر في مصر جامد الفترة اللي فاتت وناس كتير قدرت تعمل براند لأسمها
وسواء بقى إنت فري لانسر أو بتعمل فيديوهات وعندك متابعين كتير بيبقى هدفك الأساسي إنك تبني إسم لنفسك

النوع التاني هو البراند الخاص بالشركة
 P&G وفي منه أنواع زي البراند الخاص بالمنتج يعني ممكن الشركة تكون بتعمل منتجات مختلفة زي شركة
.بتعمل منتجات كتير زي بريل وتايد وكل واحد فيهم ليه الأسم بتاعه في السوق

إنك تعمل براند للشركة بتاعتك ممكن ياخد وقت وده بيتحدد بناءاً على جودة المنتج بتاعك وهو مطلوب ولا لاء ومين الفئه المستهدفه اللي عايزهم فعلاَ يعرفوك وكمان الطرق اللي بتستخدمها يعني هل بتعمل كدا اوفلاين عن طريق إنك توزع فلايرز وكروت على الناس وتعمل دعايه لأسمك ولا بتعمله أونلاين كمان وليك صفحات على مواقع التواصل الأجتماعي والناس تقدر تتفاعل على الصفحة بتاعتك , وعندك موقع والناس تقدر تشتري المنتج بتاعك من عليه.

اونلاين؟ Brand awareness ليه تعمل

.خلينا نفترض إنك صاحب محل إلكترونيات وعندك أحسن أنواع الأجهزة وجودتها عالية وبالضمان بس مش بتهتم بالتسويق ومعتمد بس على سكان المنطقة اللي إنت فيها
وفي منطقة تانية محل تاني برضه بتاع إلكترونيات بس عامل صفحات على مواقع التواصل الأجتماعي وعامل ويب سايت فيه كل أنواع الأجهزة اللي عنده وخدمة توصيل وبالتالي سكان المنطقة اللي هو فيه عرفوه وقدر كمان يوصل للناس اللي برا منطقته يعني عرف يوصل لشريحة أكبر من العملاء وكمان يعرف الناس عاجبها إيه فيجيبه

 

 اونلاين ؟ Brand awareness إزاي تعمل 

. عشان توصل لأكبر عدد من العملاء المحتملين بتوعك على النت في كذا طريقة زي إنك تعمل ويب سايت أو صفحات على مواقع التواصل الأجتماعي أو حتي موبايل أبلكيشن

.أول طريقة: أسهل وأرخص طريقة إنك توصل فيها لأكبر عدد وتخلي الناس تعرف إسمك هي مواقع التواصل الأجتماعي
.إنك يبقى عندك صفحة على الفيسبوك وتويتر وإنستجرام وغيرهم هيبقى سهل على الناس إنهم يعرفوك ويلاقوك وهتقدر تكبر الصفحة بتاعتك
تاني طريقة إنك تعمل موقع: إنك يكون عندك الموقع الألكتروني الخاص بيك ده ليه مزايا كتير هتقدر تصممه على مزاجك وتعرض منتجاتك بالطريقة اللي تعجبك وتريح العميل اللي إنت بتستهدفه لما يتعامل مع الموقع, ده غير إنك  ممكن تضيف مميزات مش موجودة على صفحات التواصل الأجتماعي زي “إضافة إلي العربة” وكمان الموقع بيسهل عملية الدفع والتحصيل
تالت طريقة: الموبايل أبلكيشن واللي من خلاله هتقدر تعمل حاجات كتير أوي سواء تبيع منتجك أو تربطة بالموقع بتاعك أو تعرف الناس بآخر العروض أو لو بتقدم خدمة بتحتاج الحجز من قبلها

خلي بالك
. قبل ما تختار الطريقة اللي عايز توصل بيها للناس لازم تحدد نوع العملاء اللي أنت بتستهدفهم وهما بيستخدموا إيه أكتر وبناءً عليه تقرر الطريقة المناسبة
أقرأ إيضاً ثلاث أخطاء شائعه في التسويق أوعى تعملها
ثلاث أسباب أثرت على المبيعات في مصر 
ولو مش عارف إيه أحسن  طريقة توصل بيها لأكبر عدد من العملاء المحتملين إضغط هنا وأكتب إسمك والأيميل وإحنا هنساعدك تختار الطريقة المناسبة